Isod mae rhestr o’n swyddi gwag cyfredol. Am fwy o fanylion ac i wneud cais cliciwch ar ‘Dysgu mwy’. Wrth wneud cais bydd angen i chi hefyd lenwi a dychwelyd y ffurflen monitro Cydraddoldeb ac Amrywiaeth drwy’r ddolen isod.
Broliant Cydraddoldeb ac Amrywiaeth
A allech chi hefyd lenwi a dychwelyd y ffurflen monitro Cydraddoldeb ac Amrywiaeth drwy’r ddolen isod, i’n helpu i sicrhau ein bod yn cyrraedd ymgeiswyr o bob cymuned.
Bydd y wybodaeth hon yn cael ei chadw ar wahân i’ch ffurflen gais ac yn cael ei defnyddio’n fewnol gennym ni yn unig.
Swyddi gwag rhaglen Cysylltu â Gwaith
Mae Cysylltu â Gwaith yn rhaglen newydd gan lywodraeth y DU sydd â’r nod o helpu pobl anabl, a’r rhai sydd â chyflyrau iechyd ac anghenion cymhleth eraill, i gael gwaith.
Yn dilyn dyfarnu contractau yn ddiweddar i gyflwyno Cysylltu â Gwaith yn Wrecsam a Sir y Fflint, rydym yn chwilio am staff medrus ac ymroddedig i ymuno â’n tîm. Os oes gennych angerdd am helpu pobl i wireddu eu potensial ac os oes gennych brofiad o ddarparu cymorth i bobl ag anghenion cymhleth, byddem wrth ein bodd yn clywed gennych. Darperir hyfforddiant llawn.
Sesiwn Recriwtio Cysylltu â Gwaith
Oes gennych ddiddordeb mewn cael gwybod mwy am y swyddi gwag Cysylltu â Gwaith? Rydym yn cynnal sesiwn recriwtio Cysylltu â Gwaith ddydd Llun 16 Tachwedd am 12:30yp ar-lein. Cofrestrwch yma.
-
Hyfforddwr Swyddi Cysylltu â Gwaith
Bydd Hyfforddwr Swyddi Cysylltu â Gwaith yn ymuno â thîm sy’n darparu cymorth unigol, wedi’i deilwra, i helpu pobl ag anghenion cymhleth i gael gwaith, yn unol ag egwyddorion Cyflogaeth â Chymorth.
Am ragor o wybodaeth, lawr lwythwch y pecyn swydd.
Gwneud cais
I wneud cais am y swydd hon, lawr lwythwch ffurflen gais a’i hanfon i recruitment@rcs-wales.co.uk.
-
Arweinydd Tîm Cysylltu â Gwaith
Bydd yr Arweinydd Tîm yn arwain, yn hyfforddi ac yn datblygu tîm o hyd at 10 Hyfforddwr Swyddi, sy’n cefnogi pobl ag anableddau, cyflyrau iechyd ac anghenion cymhleth i gael gwaith. Mae’r rôl yn gyfrifol am hyrwyddo egwyddorion IPS/SEQF a sicrhau canlyniadau cadarnhaol, wrth fonitro ansawdd, perfformiad, cydymffurfiaeth a data. Bydd yr Arweinydd Tîm hefyd yn meithrin perthnasoedd cryf â chyflogwyr a phartneriaid, yn cefnogi arferion recriwtio cynhwysol ac addasiadau yn y gweithle, ac yn rheoli llwyth achosion bach pan fo angen.
Am ragor o wybodaeth, lawr lwythwch y pecyn swydd.
Gwneud cais
I wneud cais am y swydd hon, lawr lwythwch ffurflen gais a’i hanfon i recruitment@rcs-wales.co.uk.
