Mae bod mewn gwaith yn helpu pobl i wella eu hiechyd a’u llesiant, gwella eu cyfleoedd mewn bywyd a chyflawni eu potensial.
Fe ddechreuon ni yn 2007 o dan yr enw Rhyl City Strategy, gan arwain menter i fynd i’r afael â diweithdra tref glan y môr fach yng Ngogledd Cymru. Heddiw rydym yn cynnig llu o wasanaethau ledled Cymru i helpu i drawsnewid bywydau a gweithleoedd trwy ganolbwyntio ar lesiant.
Rydym wedi ein sefydlu i ddarparu cefnogaeth bersonol i’r rhai sy’n ei chael hi’n anodd dod o hyd i waith neu aros mewn gwaith oherwydd problemau iechyd a heriau cysylltiedig eraill. Rydym yn cyffwrdd â bywydau llawer o unigolion ond hefyd yn ceisio newid systemau fel bod gan ein cefnogaeth etifeddiaeth sy’n parhau, gan wella bywydau nawr ac yn y dyfodol.
Mae ein gwreiddiau mewn gwaith partneriaeth cymunedol yn rhoi dull cydweithredol i ni, gyda ffocws ar werth.
Ein Gwerthoedd
Rydym yn gweithio i werthoedd sy’n adlewyrchu ein hanes ac yn llunio ein dyfodol:
Bod yn chwim i ymateb i anghenion a chyfleoedd sy’n dod i’r amlwg.
Creu cysylltiadau a phartneriaethau i ehangu ein heffaith.
Rhoi anghenion pob wrth galon ein gwaith.
-
Ein Heffaith Mae ein gwaith yn dod â newid cadarnhaol i unigolion, gweithleoedd a chymunedau. -
Ein Pobl Ein pobl sy’n ganolog i’n llwyddiant. Rydym yn cael ein llywodraethu a’n cefnogi gan Fwrdd o Gyfarwyddwyr arbenigol, gyda gweithgareddau wedi’u trefnu a’u darparu gan ein tîm o staff medrus, profiadol ac ymroddedig ledled Cymru.
-
Llogi un o’n hystafelloedd Mae ein swyddfeydd yn y Rhyl yn darparu ystafelloedd i’w llogi, yn ogystal â lle gwaith i’n timau.
