Rydym yn gweithio gyda phobl ifanc 16-30 oed sydd â diddordeb mewn swyddi a gyrfaoedd gwyrdd, a gyda chyflogwyr sydd eisiau creu gweithlu sy’n fwy cynhwysol, amrywiol a chynaliadwy.
P’un a ydych yn chwilio am gefnogaeth i gymryd y cam nesaf i mewn i gyflogaeth neu eich bod yn gyflogwr sydd â diddordeb mewn cynnig cyfleoedd, gall Go Gwyrdd helpu.
Mae’r prosiect yn rhedeg tan 2030 ac yn cael ei gyflwyno gan bartneriaid ledled Gogledd Cymru, gan gysylltu pobl, cymunedau a chyflogwyr â chyfleoedd sydd o fudd i’r economi a’r amgylchedd. Ariennir y prosiect drwy’r Gronfa Asedau Segur, sy’n cael ei darparu drwy Gronfa Gymunedol y Loteri Genedlaethol.
Cefnogaeth ar gyfer Pobl Ifanc
Ydych chi rhwng 16-30 oed, yn byw yng ngogledd Cymru, ac â diddordeb mewn gwaith sy’n helpu’r blaned?
Mae Go Gwyrdd yn darparu cefnogaeth bersonol i helpu pobl ifanc i ystyried gyrfaoedd gwyrdd, meithrin hyder, datblygu sgiliau a symud tuag at gyflogaeth.
Byddwch yn gweithio gyda Hyfforddwr Swydd pwrpasol a all eich helpu i:
- Ystyried opsiynau gyrfa gwyrdd
- Meithrin hyder a sgiliau cyflogadwyedd
- Cael mynediad at gyfleoedd hyfforddiant a phrofiad gwaith
- Dod o hyd i leoliadau gwaith a chyfleoedd gwaith â thâl
- Paratoi CVs, ceisiadau a chyfweliadau
- Derbyn cefnogaeth barhaus wrth i chi fynd i mewn i waith
Ewch i’n Tudalen Pobl Ifanc i ddysgu am gymhwysedd, y gefnogaeth sydd ar gael a sut i gymryd rhan.
Cefnogaeth ar gyfer Cyflogwyr
Mae Go Gwyrdd yn gweithio gyda chyflogwyr ar draws Gogledd Cymru sydd wedi ymrwymo i ddatblygu gweithlu sy’n fwy gwyrdd a chynhwysol.
Trwy weithio gyda ni, gall cyflogwyr:
- Gael mynediad at dalent leol, frwdfrydig
- Cynnig lleoliadau gwaith a chyfleoedd cyflogaeth
- Derbyn cymorth i greu arferion recriwtio cynhwysol
- Cyfrannu at ganlyniadau amgylcheddol a chymdeithasol yng Ngogledd Cymru
- Helpu i ddatblygu gweithlu gwyrdd y dyfodol
P’un a ydych eisoes yn gweithredu o fewn sector gwyrdd neu fod eich sefydliad yn mabwysiadu ffyrdd mwy gwyrdd o weithio, byddem wrth ein bodd yn clywed gennych.
Ewch i’n Tudalen Cyflogwyr i ddysgu sut gall eich sefydliad gymryd rhan.
Cysylltwch â Ni
Os hoffech wybod mwy am Go Gwyrdd, cwblhewch y ffurflen ymholiad isod a byddwn yn cysylltu â chi.
Ariennir Priosect ‘Go Gwyrdd’ drwy’r Gronfa Asedau Segur, sy’n cael ei darparu drwy Gronfa Gymunedol y Loteri Genedlaethol.
