Mae’r Gwasanaeth Cymorth yn y Gwaith ar gyfer mynd i’r afael â chyflyrau iechyd corfforol neu feddyliol a allai fod yn effeithio ar eich presenoldeb neu’ch perfformiad yn y gwaith.
Gall ein cefnogaeth eich helpu i ddatblygu strategaethau ymdopi, lleihau pryderon neu wella eich lles corfforol drwy gael mynediad cyflym at gefnogaeth a therapïau. Gallai hyn gynnwys:
- Cwnsela neu therapïau seicolegol eraill i fynd i’r adael â chyflyrau iechyd meddwl eraill megis straen, gorbryder neu iselder.
- Cymorth a thriniaeth ar gyfer problemau cyhyrysgerbydol fel poen cefn, anafiadau straen ailadroddus neu gyflyrau eraill sy’n cyfyngu ar allu i weithio.
Gallwn hefyd roi cefnogaeth ar gyfer materion eraill a allai fod yn effeithio ar eich lles, megis problemau gyda dyled neu berthnasoedd. Mae’r holl gymorth yn rhad ac am ddim ac yn gwbl gyfrinachol.
Mae’r gwasanaeth wedi’i anelu at bobl sy’n hunangyflogedig neu sy’n gweithio mewn busnesau bach neu ganolig (sydd â llai na 250 o staff) sydd â mynediad cyfyngedig at gymorth iechyd galwedigaethol.
Mewn rhai amgylchiadau eithriadol, gall gweithwyr y sector cyhoeddus (e.e. y GIG, awdurdodau lleol, ysgolion) neu mewn cwmnïau sydd â dros 250 o staff gael mynediad at y gwasanaeth.
Mae RCS yn darparu Cymorth yn y Gwaith yn Ynys Môn, Gwynedd, Conwy, Sir Ddinbych, Sir y Fflint, Wrecsam, Ceredigion, Sir Benfro, Sir Gaerfyrddin, Abertawe a Chastell-nedd Port Talbot.
Dysgwch fwy am Gymorth yn y Gwaith mewn rhanbarthau eraill yma.
Gallwch gyfeirio eich hun at y gwasanaeth drwy ffonio 01745 336442, neu drwy lenwi’r ffurflen gais ar-lein drwy’r linc ‘Cofrestrwch yma’ isod. Darllenwch fwy am gymhwysedd yma.
Ariannir y Gwasanaeth Cymorth yn y Gwaith gan Lywodraeth Cymru.
Mae’n wasanaeth gwych ac mae’n gwneud i chi sylweddoli pa mor bwysig yw hunanofal pan fyddwch yn dibynnu arno i redeg eich busnes.
Nid oes gen i’r geiriau, o le difrifol o dywyll i gael fy mywyd yn ôl. Heb y gofal, y gefnogaeth a’r help, nid wyf yn meddwl y byddwn i dal yma.
Mae’r gefnogaeth wedi fy helpu o ddifrif, ac fe'r oedd y chwe sesiwn y nifer perffaith ac rydym wedi trafod gymaint. Roedd y gefnogaeth gan bawb o’r cychwyn tan y diwedd yn wych, mor gyflym ac wedi gwneud argraff fawr arnaf. Mae’r gefnogaeth wedi fy helpu i weld y gallaf gymryd mwy o waith o bosib yn y dyfodol.
