Cymorth cyflym a dwys i’ch helpu i oresgyn rhwystrau iechyd meddwl i weithio.
Mae rhaglen Gweithio’n Iach Conwy yn darparu cefnogaeth arbenigol ar gyfer pobl sydd ag anghenion iechyd meddwl i gyflawni eu nodau yn y gwaith.
- Bydd eich Arbenigwyr Cyflogaeth yn eich cynorthwyo gyda:
- Chwiliad cyflym am swydd yn seiliedig ar eich dewisiadau, sgiliau, profiad ac anghenion.
- Cael cyngor fudd-daliadau ac effaith dychwelyd i’r gwaith ar eich incwm.
- Canfod pryd a sut i siarad â darpar gyflogwyr am unrhyw anghenion iechyd neu faterion personol eraill.
Gallwn barhau i’ch cefnogi pan ydych yn cychwyn gweithio am gymaint o amser ag y dymunwch.
Nid oes raid i chi fod yn cael cymorth iechyd meddwl gan y GIG neu fod â chyflwr wedi ei ddiagnosio i gael cymorth gan Gweithio’n Iach. Gallwch gyfeirio eich hun am gymorth, neu gallwch gytuno i gael eich cyfeirio gan eich meddyg teulu neu asiantaeth sy’n eich cefnogi chi.
Mae Gweithio’n Iach yn seiliedig ar egwyddorion Lleoliad a Chymorth Unigol (IPS), a argymhellir gan y Sefydliad Cenedlaethol dros Ragoriaeth mewn Iechyd a Gofal (NICE) fel y model gorau ar gyfer helpu pobl sydd ag iechyd meddwl gwael i ddod o hyd i waith.
Ariennir Gweithio’n Iach drwy Gronfa Ffyniant Gyffredin y DU.
Rhaid i gyfranogwyr fod yn 16+ oed ac yn byw yn Sir Conwy. Gallwch gyfeirio eich hun drwy alw 01745 336442 neu gwblhau ein ffurflen gais ar-lein.
Roedd gyrru adref ar ôl fy niwrnod cyntaf yn fy swydd newydd yn deimlad mor arbennig - teimlad nad oeddwn wedi'i brofi ers tro byd. Rwy’n hynod ddiolchgar, diolch.
Mae wedi bod yn daith (a hanner), ac roeddwn wedi ystyried rhoi’r gorau iddi sawl gwaith. Heb gymorth, nid wyf yn credu y byddwn wedi gwella mor sydyn â hyn, os o gwbl.
Rwy’n teimlo’n well yn barod, ac yn fwy brwdfrydig o ddydd i ddydd. Mae gallu troi at rywun wedi gwneud gwahaniaeth mawr i mi’n barod.
