Mae ein Rhaglen Darganfod Llesiant yn darparu’r man cychwyn delfrydol ar gyfer cyflogwyr sy’n ystyried rhoi dull strwythuredig, rhagweithiol gefnogi llesiant ar waith yn y gweithle.
Gan ddefnyddio offer arolwg rhyngweithiol ac adborth staff, bydd ein tîm arbenigol yn gweithio gyda chi i nodi canolbwyntiau a risgiau yn y sefydliad ac yn amlygu meysydd blaenoriaeth ar gyfer camau gweithredu a datblygiad. Bydd deall anghenion eich sefydliad yn eich galluogi i ddatblygu strategaeth llesiant effeithiol ac wedi’i thargedu.
Mae’r Rhaglen Darganfod Llesiant yn addas ar gyfer sefydliadau o unrhyw faint a sector a gellir ei chynnal drwy gyfrwng y Gymraeg neu’r Saesneg.
Gall busnesau sydd â llai na 250 o weithwyr yng ngogledd, gorllewin neu dde-orllewin Cymru fod yn gymwys ar gyfer cymorth rhad ac am ddim drwy ein Gwasanaeth Cymorth yn y Gwaith.
Cysylltwch drwy’r ffurflen isod am ragor o wybodaeth neu i drafod eich anghenion.
Roedd hi’n hawdd iawn gweithio gyda RCS. Fe wnaethon nhw gymryd amser i ddeall a dysgu sut mae’r mudiad yn gweithio, ac i ddeall i ble roedden ni am fynd wrth ddatblygu ein strategaeth iechyd a llesiant. Fe wnaethon nhw siarad â staff, a gweld o hynny beth roedden ni’n ei wneud yn dda – a chanmol hynny – oedd yn ein rhoi ni mewn sefyllfa gryf i fedru datblygu’ r gwaith ymhellach.
